Кыргыз Республикасынын Судьялар кеңеши Абдуллаев Болотбек Абдырахмановичтин дүйнөдөн кайткандыгына байланыштуу анын үй-бүлөсүнө, туугандарына жана жакындарына терең көңүл айтат.

Абдуллаев Болотбек Абдырахманович 1976-жылдын 19-июлунда Жалал-Абад облусунун Ноокен районундагы Ноокен айылында төрөлгөн.

Кыргыз Республикасынын Президентинин 2015-жылдагы Жарлыгы менен биринчи жолу Кыргыз Республикасынын жергиликтүү сотунун судьясы болуп 5 жылдык мөөнөткө дайындалып, Бишкек шаарынын Октябрь райондук сотуна судьялык ыйгарым укуктарын жүзөгө ашыруу үчүн жөнөтүлгөн.

Кыргыз Республикасынын Президентинин 2020-жылдагы Жарлыгы менен жергиликтүү соттун судьясы болуп чектүү жаш курагына жеткенге чейин дайындалган.

Кыргыз Республикасынын Президентинин 2025-жылдагы Жарлыгы менен Бишкек шаарынын Ленин райондук сотуна которулуп, 2025-жылдын март айынан тартып аталган соттун төрагасы кызматын аркалап келген.

Судьялар кеңеши Болотбек Абдырахмановичтин үй-бүлөсүнө, жакындарына жана туугандарына терең кайгыруу менен көңүл айтат.