KG
Көрүүсү начар адамдар үчүн
Телефон: +996 (312) 313 - 023 ул. Табышалиева 15

Кыргыз Республикасынын Судьялар кеңешинин кезектеги жыйыны болуп өттү

25 июля 2025

Бүгүн, 2025-жылдын 25-июлунда Кыргыз Республикасынын Судьялар кеңешинин кезектеги жыйыны болуп, анын жүрүшүндө күн тартибиндеги бир катар маселелер боюнча чечимдер кабыл алынды.


Судьялар кеңешинин чечимине ылайык Окуу-эксперттик комиссиясынын курамына Судьялардын кеңешинин негизги курамына кошулган төмөнкү мүчөлөрү киргизилди:



  1. Байтикова Эльмира Турдакуновна – Кыргыз Республикасынын Жогорку сотунун судьясы;

  2. Бекешов Тыныбек Рахманбердиевич – Кыргыз Республикасынын Жогорку сотунун судьясы;

  3. Эгембердиева Анар Раимжановна – Бишкек шаардык сотунун судьясы.


Судьялар кеңешинин Бюджеттик комиссиясынын курамына төмөнкүлөр киргизилди:



  1. Бердимуратов Чынгызбек Муртазакулович — Бишкек шаарынын Биринчи май райондук сотунун төрагасы;

  2. Саткынбаев Рустам Шайлобекович — Ош облусунун Ош шаардык сотунун судьясы.


Андан соң, Кыргыз Республикасынын Судьялар кеңеши баяндамаларды угуп, Тартип комиссиясынын корутундуларын талкуулап, Кыргыз Республикасынын Башкы прокурорунун орун басары У. Конкубаеванын Чүй облусунун жергиликтүү сотторунун 14 судьясына, атап айтканда Панфилов райондук сотунун судьялары Ш.Р.А, С.Г.З., Сокулук райондук сотун судьялары Б.К.Т., Б.А.Э., Кемин райондук сотунун судьялары М.Г.М., Ысык-Ата райондук сотунун судьялары М.Н.М., К.А.А., Т.Н.Р., Ш.Б.Т., А.О.С., Москва райондук сотунун судьялары К.Э.О., Дж.А.Н., Аламүдүн райондук сотунун судьясы Ш.Т.Т. жана мурдагы судьясы М.Ж.М. карата сунушун канааттандыруудан баш тартуу жөнүндө чечим кабыл алды.


Аталган сунуштаманы кароонун жыйынтыгы боюнча Кыргыз Республикасынын жергиликтүү сотторунун дарегине маалыматтык каттарды жөнөтүү тууралуу чечими кабыл алынды.


Судьялар кеңешинин чечими менен Кыргыз Республикасынын жергиликтүү сотторунун судьяларына квалификациялык класстарды ыйгаруу жөнүндө Кыргыз Республикасынын Президентине сунуштар киргизилди.


Кыргыз Республикасынын Эгемендүүлүк күнүнө карата Судьялар кеңешинин ведомстволук сыйлыктары менен сыйлоо жөнүндө Судьялардын кеңешине келип түшүп, каралган сунуштар боюнча чечим кабыл алынды.


Ошондой эле Кыргыз Республикасынын Башкы прокурору М.К.Асаналиевдин Бишкек шаарынын Октябрь райондук сотунун судьясы К.Ж.С.ны кылмыш жоопкерчилигине тартууга макулдук берүү жөнүндө сунушу каралып, канааттандырылды.


Кыргыз Республикасынын Судьялар кеңешинин төрагасы

Сейдакматова Аида Асанбековна

Урматтуу биздин сайтка кирүүчүлөр жана достор!

Кыргыз Республикасынын Судьялар кеңешинин расмий сайтына кош келиңиздер!

Календарь

Идет загрузка...