Кыргыз Республикасынын жергиликтүү сотторунун судьяларынын ишмердүүлүгүнүн сапатына кесиптик баалоо жүргүзүү боюнча комиссиянын мүчөсү Айгүл Уметова «Номад» телеканалына маек берди. Анда ал судьялардын ишмердүүлүгүн баалоонун максаты, тартиби жана негизги критерийлери тууралуу айтып берди.

Ал кесиптик баалоо судьялардын кесиптик компетенттүүлүк деңгээлин, сот адилеттүүлүгүн жүргүзүүнүн сапатын жана кесиптик сапаттарын аныктоо максатында жүргүзүлөрүн билдирди.

Айгуль Уметова: «Кесиптик баалоону жүргүзүүдө сот актыларынын сапаты, процесстик мөөнөттөрдүн сакталышы, иштин натыйжалуулугу, ошондой эле жарандардын кайрылуулары жана даттануулары сыяктуу көрсөткүчтөр эске алынат. Баалоонун жыйынтыгында жетиштүү упай топтой албоо судьянын ыйгарым укуктарын токтотууга негиз болуп саналбайт. Мындай учурларда квалификацияны жогорулатуу боюнча чаралар каралып, андан соң кайрадан кесиптик баалоо жүргүзүлөт», – деп баса белгиледи.

Видеого шилтеме: https://www.youtube.com/watch?v=IYPkHN8bPHk