Бүгүн, 2024-жылдын 27-сентябрында Кыргыз Республикасынын Судьялар кеңешинин чечими менен «Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү жөнүндө» Кыргыз Республикасынын Президентинин 2023-жылдын 29-декабры ПЖ № 370 сандуу Жарлыгына ылайык Кыргыз Республикасынын жергиликтүү сотторунун түзүмүн жана жергиликтүү соттордун судьяларынын штаттык санын өзгөртүү боюнча Кыргыз Республикасынын Жогорку сотуна сунуш киргизилди.

Кыргыз Республикасынын Судьялар кеңешинин Тартип комиссиясынын материалы каралып, тиешелүү чечим кабыл алынды.

Ар түрдүү маселелерди кароо учурунда Судьялар кеңешинин дарегине жеке жактардан, мамлекеттик органдардан жана ведомстволордон келип түшкөн каттар жана арыздар каралып, эске алынып, жооптор тиешелүү даректерге жөнөтүлдү.