Бүгүн, 2024-жылдын 12-сентябрында Судьялар кеңеши Кыргыз Республикасынын судьяларынын кызмат ордуна талапкерлер менен конкурстук тандоону өткөрүү тартиби жөнүндө Жобого өзгөртүүлөрдү киргизүү тууралуу маселени талкуулап, аталган маселени кылдат изилдөө үчүн аны кароону кийинкиге калтырды.

«Адилет сот» маалыматтык технологиялар мекемесининин АИС-2.0 тутумунун тесттик режимде иштөөсү боюнча маалыматы угулду жана аны мындан ары киргизүү боюнча маселелер талкууланды.

Ар түрдүү маселелерди кароо учурунда Кыргыз Республикасынын Судьялар кеңешинин дарегине жеке жактардан, мамлекеттик органдардан жана ведомстволордон келип түшкөн каттар жана арыздар эске алынып, жооптор тиешелүү даректерге жөнөтүлдү.