Кыргыз Республикасынын Жогорку сотунун судьясы, Кыргыз Республикасынын Судьялар кеңешинин төрагасы Кыдык Джунушпаев Түркия Республикасынын Президенти Реджеп Тайип Эрдоган менен Стамбул шаарында өтүп жаткан Түрк мамлекеттер уюмуна мүчө мамлекеттердин жана байкоочу мамлекеттердин Судьялар кеңештеринин төрагаларынын жана өкүлдөрүнүн экинчи жыйынынын алкагында жолугушту.

Жолугушууда Түркия президенти мындай отурумдардын маанилүүлүгүн белгилеп, Түрк мамлекеттеринин уюмуна мүчө-мамлекеттердин Судьялар кеңештеринин ишине ийгилик каалады.