Бүгүн, 2022-жылдын 09-сентябрында, Кыргыз Республикасынын Судьялар кеңеши Тартип комиссиясынын баяндамаларды угуп, корутундуларын талкуулап, алар боюнча чечим кабыл алды:
- Ысык-Көл облусунун тургундары Т.Жаныбековдун, А. Жаныбековдун, С. Джаныбекованын жана А. Карымшаковдун даттанууларын канааттандырып, Ысык-Көл облусунун Жети-Өгуз райондук сотунун азыркы учурда Жалал-Абад облусунун Базар-Коргон райондук сотунун судьясы Энкилбаева Элнура Батырбаевнага карата эскертүү түрүндө тартиптик жаза колдонулган.
- Баткен облусунун прокурору Н.Набиевдин сунушун канааттандырып, Баткен райондук сотунун азыркы учурда Талас облусунун Манас райондук сотунун судьясы Жолдошалиев Расул Абдыракмановичке карата алдын ала эскертүү түрүндө тартиптик жаза колдонулган.
- Бишкек шаарынын Биринчи Май райондук сотунун судьясы А.Ж. Калыбаевге, Жалал-Абад шаардык сотунун азыркы учурда Бишкек шаарынын Ленин райондук сотунун судьясы Калмамат уулу Алтынбек, А. М. Эсенбаевге карата даттанууларды канааттандыруудан баш тартылды.
- Бишкек шаарынын Октябрь районунун судьясы Б.А. Сарыбаевдин эскертүү түрүндөгү тартиптик жазаны алып салуу жөнүндөгү арызын канааттандырды.